حمايا وحماتي

خلصت ونمت وصحاتني الفجر قالت يلا انا ماشيه وعلى الله اجي ألاقي حاجة في البيت بايظة ولا ضايعه

كله كوم وحمايا كوم قال ايه ابن الكلب مبيبقاش مبسوط ولا مرتاح وحماتي بعيد عنه وبيطلع همه في اللي قدامه

الغبي صب عليا العىذاب الوان

فجأة كده قرر مش هنجيب عيش من الفرن وانا هصحى كل يوم الفجر احضر رقاق أو عيش رح

ومنامش بقه ولا دقيقة غير بعد نص الليل

وطول النهار طلبات وشىتيمة باللاب والأم

وانا ما بيا النزبف اللي مخلص عليا وما بيا إن البيت شغله كتيييييير خالص بهايم وطيور وخبيز كل يوم وشغل البيت وليا 3 سلايف صبيان اصغر من جوزي كانوا لسه متجوزوش وكل يوم غسيل وتحضير أكل في نص الليل ليهم ولزمايلهم ولو حمايا قفشني في نص اليوم مربعه ايدي كده ومغمضه ثواني يبهدلني ويقولي احنا مش جايبينك للنىوم يا بنت يا جعانه

كنت بمىوت فعلا وهما متسلطين عليا كأنهم عايزين كده

في اليوم السادس اتصلت بجوزي قولتله تعالى أشوفك قبل ما امىوت

يا حبيبي ساب شغله ونزل يجري دخل لقى ابوه واقف قدام الشىقة بيزعق عشان انا جوه ومش برد عليه

فتح الباب ودخل لقاني في السىرير وتحتي بقعة ذم كأني طير مديوح

شالني في توكتوك وجرى بيا على دكتور قاله لازم عملية حالا وتمضي على إقرار عشان لو فتحنا ولقينا الوضع صعب هنشيل الرحىم كمان وقول يارب

في عز ما هو قاعد معايا يصبرني ويقولي انا زعلان منك وازاي تفضلي ساكته على نفسك اسبوع ومتخافيش انا جنبك ومعاكي ومش عايز من الدنيا غيرك لقينا أبوه بيتصل يشىتم ويسىب عشان غيبنا والكلب ابن جعان وعايزني ارجع احضرله العشا

رد عليه جوزي قاله كلوا أي حاجة يا حاج عشان مراتي داخله عمليات طوارئ دلوقتي حالًا

شىتم وبهدل الدنيا اكتر إن ليه معملتش أكل قبل ما امشي

ودخلت طوارئ وعملت العملية والحمد لله جت بسيطة ويدوب عملية تفريغ وعلقولي ذم ولاني مكنتش جايه وعارفه اني هحتاج عملية بقى الناس اللي في المركز اللي تديني كوفيرته واللي تديني عباية واللي سالوني مع جوزي نزلوني الإسعاف اللي روحتني بيت جوزي تاني (امي وابويا ميثين)

هناك قابلني حمايا يزعق فينا إن ازاي نعمل عملية من غير ما ناخد رأيه

على بالليل كلموا حماتي قالولها لازم تنزلي عشان الزفته عملت عملية

نزلت استلمتني شىتيمه وبهدله فيا وتقولي منك لله ربنا ياخدك زي ما بسببك سبت بنتي والدة وجيت

اقولها يا ماما ما هي بنتك معاها حماتها واخوات جوزها أربعة تقولي وانتي مالك وانا مالي بيكي

قومت من تاني يوم نزلت اشتغل في البيت وانا الانيميا عندي ٧ وبمىىوت من التعب واستلموني بقه بشغل وبهدلة وعىىذاب اكتر من الاول عشان يعىىاقبوني إني نزقت لغاية ما جوزي قالهم انا هاخد مراتي معايا العريش وخدني وسبنا كل حاجة ورانا ومهمنيش إنهم خدوا كل حاجتي طظ المهم نفدت بجلدي

عمركم شوفتوا ناس مفىتريه كده

ربنا شىاهد على كلامي وحق الايام المفترجة دي ما كدبت ولا بالغت بالعكس أنا اختصرت

كل ما افتكر قلبي يوجىعني رغم أن مر على الموضوع ده عشر سنين ورزقني ربنا فيهم باولادي التلاته بس واقفه عند الموقف ده ومش قادره أنساه ولا اسامح