حمايا وحماتي
وصلني كلام إن حماتي جالها غيبوبة سكر ونقلوها ع المستشفى من حزنها إن سلفتي اللي هي بنت اختها سىقطت افتكرت قبل ما اسافر مع جوزي لما كنت لسه عروسة وربنا كرمني بالحمل من اول يوم وفضلت تشغلني شغل العبيد لغاية ما سىقطتني وفضلت توجىع في قلبي وتعايرني وتقىهرني
فضلت شهرين بعدها وكرمني ربنا بحمل تاني وقولت فيه العوض
ولأن حظي زفت جوزي سافر العريش لشغله وسابني لوحدي مع أهله ويوم ما سافر اتصل جوز أخته وقال إنها ولدت فجأة ولازم حماتي تروح تقعد بيها
كانت متجوزة في محافظة تانيه
يومها وحماتي بتتكلم معاهم في التليفون حسيت حاجة بتنزل مني
دخلت جري على الحمام لقيت نزيف كتير اوي
قولتلها يا ماما انا نازل عليا نزبف وتقريبًا كده سىقطت تاني
حطت أيدها على بقي وقالتلي اخرسي خالص متجيبيش السيرة دي وده مش وقته
انتي مطلوب منك تحضري حاجة بنتي اللي هاخدها معايا وتشيلي البيت الشهر اللي هغيبه ولو قولتي نزبف دي مش هروح لبنتي ووالله لو جبتي السيرة لجوزك حتى لازم اطين عيشتك
للأسف في الوقت ده كنت بخاف منها خالص وسكتت
قالتلي قومي يلا بينا وكانت مربيه فراخ لولادة بنتها وديحTلي 20 فرخة بلدي وقالتلي يتنضفوا ويتغسلوا ويتحطوا في اكياس وتخلصي بسرعة
خلصت لقيتها بتقولي يلا تعالي نقي الكيلو السمسم والكيلو الحلبة دول وعلى الله ألاقي فيهم حصى ولا رمل
خلصتهم وطلعت لي عشرين كيلو رز وقالت يلا نقي
نقيت وخلصت وقلت هرتاح بقه قالتلي يلا عشان نخبز خبزة رقاق لبنتي اخدها معايا هناك
بدأت الحوار ده من الضهر يا بنات خلصت نص الليل وانا حنفيه مفتوحة ذم
لدرجة اني في الشوية دول غيرت 8 حفاضات
