عادل أدهم

بعد ما انتهى عرض فيلم “الراية حمرا” 1994.. فاجئ عادل أدهم مـ,ـراته برغبته فى إنه يشـ,ـتري مـ,ـدفن..

وقتها مكنش عادل أدهم حاسس بأي حاجة تقول إنه بيـ,ـودع الدنيا وعلشان كده بيدور على مدفن.. وده اللي خلى مراته لمياء السحراوي تستغرب من طلبه المفاجئ ومع ذلك لقته مُصر وبيقول “إحنا عندنا بيت في الدنيا… ناقصنا نشـ,ـتري المكان اللي هياخدنا في الآخرة”..

تاني يوم نزل عادل يلف على مـ,ـدفن.. ولاحظت لمياء إنه بيدور على مواصفات بعينها .. ولما مالقاش اللي عايزه اتصل بالمحامي بتاعه وقاله “دور لي على مدفن يكون بيت تاني ليا”..

بعد يومين عرف عادل إن نقابة الممثلين خدت حتة أرض فى 6 أكتوبر هتخصص منها جزء لإقامة مدافن.. فراح شاف الأرض وعجبه المكان ورجع قال لمراته ـ بحسب موقع الجريدة ـ “أنا هشتري مدفن يرد الروح.. مش ناقص له إلا زراعة شجرة تضلل

عليه.. تخيلي هواه جاف وجميل.. أنا خلاص قلت للمحامي ياخذه وينهي الإجراءات مع النقابة.. الموقع حلو .. هو بعيد شوية بس حلو جداً .. وبكرة يبقى قريب”..

بعد الكلام ده بحوالي سنة راح عادل أدهم يعمل الكشف السنوي اللى بيعمله.. وخلال الكشف بدأ يحس بتعب فى صدره.. ووقتها الدكتور شخص المرض على أنه نزلة شعبية حادة .. وطلب من “البرنس” إنه يرتاح فى البيت وما يبذلش أي مجهود..

التزم عادل بتعليمات الدكتور.. وبقى ياخد العلاج وما يبذلش أي مجهود .. ومع ذلك اكتـ,ـشف إن الحالة بتسـ,ـوء مـ,ـش بتتحسن..

هنا طلبت منه مـ,ـراته إنه يروح معاها باريس يعمل كشف وفحوصات هناك.. فسـ,ـمع كلامها وراح .. واستمرت رحلة الفحص والكشف 20 يوم جه بعدها الخبر الصـ,ـاعق .. “البرنس مصـ,ـاب بسـ,ـرطان الرئـ,ـة.. وفى مرحلة متأخرة خصوصا بعد ما المـ,ـرض تمكن من الغدد الليمفاوية”..

سمعت لمياء الخبر وانهارت.. ومع ذلك حاولت تتماسك علشان عادل ما يعرفش.. وطلبت من الدكاترة إنهم يخبوا نتيجة الفحص عليه.. فوافقوا..

رجعت لمياء الفندق.. ولقت عادل بيسألها على نتيجة الفحص.. فقالت له “الدكاترة بيقولوا إن فيه مياه على الرئة ولازم من فترة للتانية تعمل بزل وتاخد كيماوي”..

سكت عادل شوية وبعدها سألها “ونقدر نرجع مصر امتي؟”.. فردت لمياء وقالت “ممكن خلال 3 أسابيع نكون رجعنا”..

بدأت رحلة العلاج واكتشف الدكاترة أن المرض انتشر بكثافة فى جسم عادل أدهم ومبقاش يستجيب للعلاج .. وهنا قرروا أنهم يوقفوا الكيماوي.. ويبقى مع عادل أنبوبة أكسجين باستمرار.. علشان يستخدمها لما يتعرض لضيق تنفس..

بعد الـ 3 أسابيع رجع “البرنس” مصر.. وبعد ساعات من وصوله اتعرض لانتكاسة صحية.. خلت لمياء ترجع بيه باريس تاني بعد 3 أيام فقط من وصولهم..

فضل الدكاترة هناك يحاولوا مع عادل يمين وشمال.. لحد ما قرروا بعد أسبوعين إن عادل لازم يرجع مصر لأن الحالة ميؤوس منها..

رجع عادل مصر وهو مش عارف طبيعة مرضه.. وحاول يرجع تاني يمارس حياته مقدرش.. وفضل التعب يزيد لحد ما صحيت مراته فى يوم على صراخه وهو بيطلب منها تنقله المسـ,ـتشفى لأنه حاسس أن فيه سكا*كين بتقطع فى صدره..

بسرعة نقلته لمياء المستشفى .. وبعد ساعات الدكتور خرج يبلغها أن المـ,ـرض وصـ,ـل للمخ وبينتشر بسرعة كبيرة.. وإن الموضوع كله بقى أيام وربما ساعات ..  وإن كل اللى يقدروا يعملوه إنهم يكتبوا له جرعات مكثفة من المسكنات علشان تخفف الألم..

فى الوقت ده ولأول مرة حس عادل بحقيقة مـ,ـرضه.. صحيح مراته واللى جايين يزوروه بيقولوا “دي نزلة برد مع تعبك اللى فى الرئة علشان كده الموضوع صعب عليك”.. لكن دمـ,ـوع مراته اللى بتنزل منها باستمرار ونظرات المحيـ,ـطين بيه بتقول غير كده.. ومع ذلك اكتفى بنظراته اللى حاول من خلالها يقول لكل اللي جايين يزوروه إنه عارف الحقيقة.. وجـ,ـاهز ومستعد للنهاية..

من أكتر الفنانين اللي كانوا بيزوروا عادل باستمرار سناء جميل.. لأنهم كانوا قريبين أوي من بعـ,ـض.. وكانت سناء آخر واحدة تزوره قبل ما يقرر الدكاترة منع الزيارة عنه..

بتقول سناء جميل إنها مكانتش بتخاف من الموت .. بس لما شافت منظر عادل أدهم اللي كان مليان قوة وحيوية وهو فى أيامه الأخيرة بقت بتترعب من الموت.. وللمفارقة ماتت بعده بست سنين وبنفس المرض .. سرطان الرئة..

بعد ساعات من إعلان الدكاترة منع الزيارات عن عادل أدهم.. نام عادل .. وصحي الفجر وفضل يتكلم عن أبوه وأمه وأصحابه اللي ماتوا .. وكأنه بيجهز نفسه للقائهم..

وفضل عادل أدهم على هذا الحال لحد ما دقت الساعة 12 ونص ظهر يوم الخميس 8 فبراير 1996 .. وقتها سـ,ـكت عادل أدهم .. وجريت مراته على الدكتور اللى جه يجري يشوفه.. وبعد ثواني كان بيغطي وشه بالملايه وبيقول لمراته “تعيشي إنتي”..

#الحكواتي_الهامي_سمير

#الهامي_سمير